【觀塘奪命工傷】好爸爸凱滙地盤喪命遺三子 遺孀哭崩﹕對手冰㗎

觀塘重建,發生奪命工傷。工人丁金望被木方擊中,喪失寶貴性命,也令一家五口昔日天倫樂畫面不復再。丁金望平日在觀塘的凱滙地盤辛勞工作後,拖著疲憊身軀,回到遠在粉嶺的家,等著他的是愛妻溫暖的飯菜、一歲兒子的童趣笑臉,又有兩個懂事、勤力的在學兒子,家中笑聲不絕。但一塊殺人木方,粉碎了這溫馨一幕,遺孀淚如雨下,聲嘶力竭地哭稱﹕「突然之間,好幸福嘅一家人,𠵱家就變成咁樣,我唔甘心呀!」


死者丁金望今晨在地盤內被木方擊中,送院後不治。(家人提供)

[adinserter block=”1″]

而家連佢最後一面都見唔到呀!我握佢對手,對手都係冰㗎!老公呀!你唔好掉低我哋呀!
遺孀丁太

遺孀趕回港 與丈夫已天人永隔

「𠵱家連佢最後一面都見唔到呀!我握佢對手,對手都係冰㗎!老公呀!你唔好揼低我哋呀!」27歲的丁太,今晨驚悉42歲丈夫丁金望重傷的噩耗,由內地回港趕往醫院,迎接她的只是一具冷冰冰的屍體。丁太哭成淚人,沒想到今晨與丈夫的通話,便是最後一次聽到他的聲音,「我哋傾電話好哋哋,點解突然之間變成咁樣呀!」


死者丁金望。(家人提供)

丈夫生前疼愛兩子 丁太視如己出

丁金望與第一任妻子育有兩個兒子,17歲長子身在台灣讀書,次子仍在學。一段婚姻結束,新的姻緣便到,他透過微信結識現任妻子,兩人旋即墮入愛河,丁太坦言第一次見到丈夫已一見鍾情,也欣賞他顧家、善良的心,「令我感動嘅係,佢對兩個仔非常之好,所以我覺得佢可以託付終身。」


遺孀哭得聲嘶力竭,擔心日後如何養育三個兒子。而一歲的孩子,對父親的離世仍懵懂不知。(王譯揚攝)

[adinserter block=”1″]

佢一返嚟,我煮飯,佢湊B,佢哋兩個玩得開心,我都好開心呀係度煮餸,煮啲好嘢畀佢哋食。
遺孀丁太

工作後回家享天倫樂 此情景不再

丈夫深愛兩子,常關心他們,丁太也愛屋及烏,視兩子如己出,「我咪都鍾意兩個細路仔,當佢哋係自己親人,既然我老公咁愛兩個仔!」後來兩人結婚後再誕一子,現年僅一歲,「你話佢一走,我哋點算呀,三個仔,兩個仔係度讀緊書,呢個咁細,我點算呀?」

本來一家五口樂也融融,丈夫辛勞工作過後,回家仍會幫忙照顧幼子,丁太則忙著張羅晚飯,「佢一返嚟,我煮飯,佢湊B,佢哋兩個玩得開心,我都好開心呀係度煮餸,煮啲好嘢畀佢哋食。」有時丈夫腰酸骨痛,一臉疲態,丁太便會主動為他按摩。可惜,此情此景不再,丁太痛哭﹕「我咪呢次返嚟諗住幫佢揼下骨,今朝都傾到好哋哋,佢點解就變成咁樣樣!」


遺孀難以接受丈夫突然離世,哭稱﹕「好想佢返嚟屋企,我唔相信架,就咁樣走咗。」(王譯揚攝)

我哋傾電話好哋哋,點解突然之間變成咁樣呀,我一定要搵出個個人,點解我老公會咁樣呀?突然之間,好幸福嘅一家人,而家就變成咁樣,我唔甘心呀!我唔甘心呀!
遺孀丁太

[adinserter block=”1″]

遺孀盼為亡夫討公道 直言﹕不甘心

丈夫突然離世,丁太感難以置信,亦表明不甘心、誓不罷休,希望找出令丈夫重傷死亡的人,「我一定要搵出嗰個人,點解我老公會咁樣呀?突然之間,好幸福嘅一家人,而家就變成咁樣,我唔甘心呀!我唔甘心呀!」

發展商提供100萬元恩恤金

事發於今日上午10時許,一名42歲的工人在觀塘重建項目「凱滙」地盤位置,被一條木方擊中頭部,當場陷入昏迷,救護員到場後,將傷者送往聯合醫院搶救,惜傷重不治。「凱滙」項目發展商事後回應事件指,對有關意外非常難過,對死者家人致以衷心慰問。管理層已探望家屬,同時會向去世工友家庭提供100萬元之恩恤金及教育費,以解燃眉之急。

Source : HK01

You May Also Like

Leave a Reply

Your email address will not be published. Required fields are marked *