【開心速遞】博士Mandy「畢業」轉組 謝芷倫:會盡快學成歸來!

TVB製作處境劇已經有多年歷史,近年最受歡迎嘅一套,絕對係《愛.回家之開心速遞》,今年元旦收視更衝破30點。由2017年2月開播至今,令多位新演員人氣急升成功入屋。謝芷倫同馬貫東飾演嘅林美香秦博思,成為最受歡迎嘅CP之一,點知喺16號晚播出嘅第495集中,竟然宣布佢哋正式離開劇組,令觀眾們深感不捨。


博香CP一向深受觀眾歡迎。(IG圖片)

[adinserter block=”1″]

之前劇情講到Mandy為咗幫大小姐頂罪,要喺橙不忍島坐監三個月,當時問過謝芷倫原來因為佢要入其他劇組要短暫離隊。三個月之期剛過,大家正期待博香CP重聚之際,第495集就交代Mandy劇中出獄後,遠赴英國讀法律,而守士亦愛相隨辭職飛往當地陪女友,宣告呢對小情人正式離開《愛回家》啦﹗


第430集交代博士向Mandy求婚。(IG圖片)


估唔到林美香出獄,就係佢同博士離開《愛‧回家》嘅時候。(IG圖片)

睇返謝芷倫同馬貫東嘅IG,其實最近佢地都各有新工作,謝芷倫先後為兩套電影進行拍攝,而馬貫東亦喺新劇《致所有愛過的人》中,同連詩雅湊成一對。要離開《愛·回家之開心速遞》大家庭,佢地都深感不捨。謝芷倫留言話:「我會盡快學成歸來!我衷心多謝你們每一位的支持。」而馬貫東亦表示:「過往三年《愛·回家》帶給我許多許多,除了寶貴的演藝經驗,還認識到一班好有愛的‘‘家人’’。台前每一位前輩、演員和幕後每一位工作人員的教導、包容、支持和鼓勵令我獲益匪淺,十分感恩。每天努力學習,每天進一少步。今天短暫離開,願在不久的將來會呈現一個更好的馬貫東回來這個家。」


馬貫東於IG留言,感謝劇組及觀眾一直以來嘅支持。(IG截圖)

[adinserter block=”1″]

Source : HK01.Entetainment

You May Also Like

Leave a Reply

Your email address will not be published. Required fields are marked *