【黎姿47歲生日飯唔再鋪張】由半島包場睇煙花 變三千蚊位擺一圍求平淡(足本版)

10月1日係咩大日子?咪就係細細粒嘅47歲牛一囉。同往年一樣,黎姿生日都喺半島酒店慶祝。不過,《壹》仔喺現場所見,覺得黎姿今年生日重點係「講心唔講金」。

記得黎姿往年生日,通常都選擇正日喺半島包場、包房大宴親朋好友,順便可以睇埋十一煙花,令生日過得璀璨又奪目。不過,黎姿今年竟然選擇喺9月29日晚,提早咗兩日慶祝,而且據知連房都無包,簡簡單單3千蚊一位,一圍12人食個飯就算。

[adinserter block=”1″]

雖然唔係正日慶祝,又無煙花助興,但黎姿一樣明艷照人、閃耀奪目。事關女士們都知,白色連身長裙好蝦人著,稍為無咁fit都駕馭唔到,但壽星女絕對無問題啦。散席後喺半島門外,黑夜之中猶如仙子一樣,繼續滿場飛四圍social。睇嚟今晚啲腳都係佢嘅生意合作伙伴喎,係咁公式化握手握唔停。

另外,黎姿一對耳環、一粒大鑽戒,一閃一閃小星星咁樣,閃耀過煙花啦。記得有報導講過,黎姿40歲生日嗰年,收咗老公300萬嘅巨型鑽戒做禮物,唔通就係呢粒?唔只架,當年好似仲有傳老公送埋酒莊俾黎姿,好大手筆。

不過,今年見黎姿生日飯「縮水」,老公馬廷強又急急腳上車離開,剩返黎姿同賓客道別,今年份禮物應該 應該同渣渣輝同一理念:「鑽石與黃金,唔及我一片真誠與真心。」

BTW,好似仲有一句係:「無論愛得有幾深,買粒鑽石最均真。」

Source: Nextplus

You May Also Like

Comment