岑杏賢患甲狀腺亢進症 選擇獨自樂觀面對:被人話暴肥都唔公開

Jennifer岑杏賢2012年參選香港小姐,奪得最上鏡小姐繼而入行,一直俾人印象樂觀又有氣質,但原來佢受到長期病折磨。Jennifer接受《香港01》訪問時透露:「18歲已開始有甲狀腺亢進症,會手震眼凸頸粗頭暈……」


Jennifer岑杏賢一向形象健康愛笑,原來身患長期病。(IG:@jenniferjshum)


五年前Jennifer岑杏賢甲狀腺亢進症復發,手震眼凸頸粗頭暈,而且成個人變得腫脹。(IG:@jenniferjshum)

18歲時仲喺英國讀緊書,岑杏賢有一日忽然開始手震眼突頸粗頭暈等,去睇醫生抽血檢驗,先發覺自己患上甲狀腺亢進症:「5年前復發,當時已經入行,剛拍完第一輯《愛回家》,成個人變得好腫脹。有段時間公司幫助減少好多幕前工作,曾經有報道話我唔休做暴肥、有麒麟臂,自己都無怪出面咁睇,不過當時我選擇唔公開患病,唔想好似借個病得到大家注意,希望處理好穩定落嚟先。」


Jennifer岑杏賢話自己當時好勤力隔日到健身室,搵教練訓練,但無論流幾多汗都無助去腫。(IG:@jenniferjshum)

點擊睇更多岑杏賢病發時相片:


Jennifer岑杏賢當時被外界指有麒麟臂。(IG:@jenniferjshum)


Jennifer岑杏賢當時被外界指有麒麟臂。(IG:@jenniferjshum)


Jennifer岑杏賢當時被外界指有麒麟臂。(IG:@jenniferjshum)


Jennifer岑杏賢感激《愛回家》同事們支持。(受訪者提供)

甲狀腺亢進症除非做手術如果唔係基本上無斷尾,Jennifer指醫生都話只要病發,就起碼要食兩三年藥,而且會容易復發,呢一刻亦只能話穩定落嚟。五年前復發時,Jennifer好快去睇醫生,點知差啲出事:「醫生開左藥一日要食8粒,呢個病嚟講算言劑量,食咗一個月覺得唔對路,個人腫得好緊張,一起身覺得自己好腫脹,媽咪都睇我出唔妥比起第一次仲嚴重。因為慧妍雅集認識陳法蓉,佢介紹醫生俾我,醫生都話我好在發覺得早,除咗藥量太多,原來去驗血間嘢亦未經註冊,醫生幫我轉過晒啲藥,再慢慢控制。」


醫生開過重劑量藥物,Jennifer岑杏賢感激陳法蓉介紹醫生。(IG:@jenniferjshum)

呢個病除咗遺傳,食得太多碘例如紫菜,情緒波動都會有影響,Jennifer話:「依家我學會樂觀面對一切,因為呢個病無得斷尾,要接受佢係我生命嘅一部分。依家會感謝呢個病令自己更開朗,亦知道身邊好多人錫自己,好似病緊時黎諾懿佢同佢太太每個星期帶我去見醫師針灸,拍緊《明珠生活》同何基佑一齊,有同佢講病情都相當照顧我。」Jennifer感激呢個病為佢帶來更多,亦希望與同路人互勵互勉。


Jennifer岑杏賢病情已經穩定受控。(IG:@jenniferjshum)


Jennifer岑杏賢病情已經穩定受控。(IG:@jenniferjshum)


Jennifer岑杏賢病情已經穩定受控。(IG:@jenniferjshum)


Jennifer岑杏賢病情已經穩定受控。(IG:@jenniferjshum)

You May Also Like

Comment