許志安事隔一年上節目 稱100%比以前好:Sammi同我講要有信心

自許志安上年發生「安心事件」,與黃心穎偷食後,開記者會道歉後便沒有再在公開場合露面。今日,許志安事隔一年再度出發,於ViuTV《Chill Club》擔任嘉賓,在進行錄影前向大家交代自己的心路歷程。


最新現身相片。(資料圖片)

「經過呢段時間沉 靜思反省學習,覺得自己成長咗好多,呢段時間係有part time,但當我每次面對自己起點,我都盡力向前望,今日呢個時間係好好時間出嚟面對自己社會群眾,呢件事發生令我喺未來行得更多,重新出發,做好自己。呢段時間自己陪屋企人,最主要知道屋企最重要,裝備自己最重要,陪多啲屋企人,讀書做運動希望可以練好自己,深深知道自己之後點樣行,今日係時候出嚟見大家,承擔返自己講過嘅嘢,就係之前講嘅畀時間自己沉澱。」

安仔續說:「大家知而家疫情,今日想畀大家知我已經準備好,唔敢講未來係點,但我一定100%比以前好,復出唔敢講,交畀公司。同自己講係咪Ready,我太太同我講要100% Ready,心態要有正面,我問自己真係可以,有少少緊要,見好多朋友,要有勇氣承擔面對。

(太太有支持?)太太冇特別講咩,佢話自然啲,要對自己有信心,呢段時間除咗修理自己,因為自己隻狗Lucky都老,呢段時間更差,開始行唔到,喺佢身上學到珍惜,花多時間照顧佢,都值得,陪咗我咁耐,希望佢可以開心啲,呢個倒數日子。

(同心穎聯絡?)冇,以前嘅嘢過咗,大家畀時間我,我知道要人接受要畀時間,我係好信心同自己講每一步都做好,呢個係錯誤傷痕,大家唔會忘記,過去咗就過去咗,每次見返我會提醒自己。」


神情輕鬆。(梁碧玲攝)

他透露自己早前做義工:「前排自己同蘇永康去派口罩,探訪老人家,覺得佢哋好需要關注,同啲老人家傾覺得佢哋好需要愛,我有去做義工,整飯盒,整個過程其實係佢哋幫我去思考,未來會多啲關心社會。」

而被問到馬國明與湯洛雯早前公開戀情,許志安說:「我有睇,佢哋感情佢哋自己講。」


大批記者圍訪。(梁碧玲攝)

即睇許志安表情包:


上台。(梁碧玲攝)


上台。(梁碧玲攝)


神情輕鬆。(梁碧玲攝)


許志安自上年開完道歉記招後便沒有再露面。(資料圖片)


許志安去年四月被爆背着太太鄭秀文與黃心穎在的士激咀後形象盡毀,同日晚上急急腳開記者會道歉,更一度落淚哽咽。(葉志明攝)


許志安:年前發生的「安心偷食」熱爆全城,許志安背鄭秀文在的士上偷食黃心穎,及後開設記者會稱自己是一個「壞咗嘅人」,但仍得到鄭秀文原諒;臉部特徵:下巴、顎骨輪廓線條明顯。(資料圖片)


許志安去年四月被爆背着太太鄭秀文與黃心穎在的士激咀後形象盡毀,同日晚上急急腳開記者會道歉,更一度落淚哽咽。(葉志明攝)


許志安舉行記者會向大衆道歉。(資料圖片/葉志明攝)

You May Also Like

Leave a Reply

Your email address will not be published. Required fields are marked *