開工大吉77|曹查理拍三級片致富:六萬蚊一組日日開工開足幾年

久未露面嘅曹查理接受苑瓊丹主持香港開電視節目《開工大吉77》訪問,大談當年拍三級片往事。曹查理就話當年決定接拍三級片皆因條氣唔順:「當年我幾靚仔又高大啊,但成日都做奸嘅,處於半紅不黑位置,最紅反而係曾志偉、大口青,佢哋做晒主角嚟打我,我就一於去拍三級片,睇吓你哋敢唔敢!」


久未露面嘅曹查理接受苑瓊丹主持開香港電視節目《開工大吉77》訪問,佢透露自己已退休拒接受訪問,純粹「俾面」苑仔出山。


曹查理就話當年接拍三級片係因為「條氣唔順」。(影片截圖)

曹查理未與圈中人發生感情

曹查理笑指自己從未與圈中人發生過感情︰「咁多年都冇同圈中人發生過,一夜情都冇!我記得第一次拍三級片,對手係一個泰國女生,得番塊布遮住,真係睇你夠唔夠遮啦,我緊張到不得了,要拋開個心理,淨係諗住錢,收工去邊度使錢!」

因為三級片致富,曹查理亦成為影壇搶手貨:「我當時六萬蚊一組,日日開工開足幾年,試過有一次去到現場,導演覺得嗰佈景唔得,照出糧叫我收工!其實我唔介意人哋點睇,因為最緊要記得我,而且好多女明星都係得遠觀,但我就可以同佢哋親近,所以唔抗拒。」


曹查理因為三級片致富亦成為影壇搶手貨:「我當時六萬蚊一組,日日開工開足幾年。」

畀面苑仔︰我肯復出

曹查理透露,自己已退休一直拒絕訪問,純粹「畀面」苑仔才出山:「大傻(成奎安)舊時叫我返內地登台,話上去打個招呼就有幾萬蚊,我都唔睬佢!今次苑仔叫到我先出嚟咋,如果苑仔叫我一齊拍三級片,我肯復出,因為呢部一定係笑片,唔會係愛情動作片。」


曹查理苑瓊丹老友鬼鬼,仲話肯為對方出山拍戲。


曹查理接受苑瓊丹訪問。


曹查理見到苑瓊丹先攬攬互相問候一番。


曹查理久未露面。


苑瓊丹搵嚟曹查理接受訪問。

You May Also Like

Comment