5大叔淨食2個稻香$1鮑魚雞煲 埋單僅$79 網民斥肉酸:過意得去?

飲食業界不時推出各款減價優惠或宣傳,吸引食客光顧。日前稻香酒樓推出$1鮮鮑魚雞煲的限時消夜優惠,5名大叔光顧時僅點了2煲便埋單離去,更貼出合照「打卡」稱當晚晚餐連同茶芥附加費,合共僅花79元。帖文引來網民熱議,有人認為大叔只享用雞煲優惠而不加點其他食品非常「肉酸」;但亦有人認為酒樓舉行相關優惠前早已預料有關情況,「明買明賣有咩問題」。


日前稻香酒樓推出$1鮮鮑魚雞煲的限時消夜優惠,5名大叔光顧時僅點了2煲便埋單離去,更貼出合照「打卡」稱當晚晚餐連同茶芥附加費,合共僅花79元,引來網民熱議。(fb「耆英長者老人家搵外快 求職群」圖片)

有大叔網民日前於facebook群組分享外出用膳的抵食優惠,指與4名友人上周五(8月5日)晚上到旺角的稻香酒樓晚飯,適逢店家推出晚飯及消夜優惠,他們遂點了2煲「$1鮮鮑魚雞煲」享用。樓主指,他們本來打算點另一款優惠食品、價值28元的氣鍋湯,可是落單時已售罄,5人便沒有再點其他食品。

從樓主上載的打卡照可見,5人在酒樓「打卡」記錄晚飯聚會,桌上除了2煲雞煲便只有餐具及熱茶。他表示最終與友人僅吃了2個雞煲便埋單離去,連同晚市茶芥費用,賬單總數僅為79元,即人均只需15.8元。


大叔表示最終與友人僅吃了2個雞煲便埋單離去,連同晚市茶芥費用,賬單總數僅為79元,即人均只需15.8元。(fb「耆英長者老人家搵外快 求職群」圖片)


稻香酒樓推出「$1鮮鮑魚雞煲」的限時消夜優惠。(fb「稻香集團」圖片)


(圖片來源:稻香)

大叔的帖文一出即引來激烈討論,網民意見兩極。有人批評5名大叔佔用酒樓飯枱晚飯,卻只點了2煲$1優惠雞煲,並無加購其他食品,做法小器又肉酸,甚至有機會招致「加料」,「人哋打開門口做生意,燈油火蠟人工乜都係成本,你幾個大男人走去攞完人着數仲post晒大特寫出嚟,好似展示勝利姿態咁,過唔過意得去呀」、「好心啦,你唔面紅,我都尷尬」。

不過也有網民認為大叔們並無問題,直指酒樓推出優惠前早已預料相關情況,「人哋搞咗20幾年活動,實知有無賺,飲食最重要就係人流,無客蝕租人工材料成本」、「豐儉由人,一方願買,一方願賣,有乜問題」、「推廣政策不是什麼新鮮事,推得出嚟就預咗有呢啲客」。

You May Also Like

Leave a Reply

Your email address will not be published. Required fields are marked *