Crostini結業|創辦人黃光輝專訪:已投放8000萬「疫」市挽救

意大利式糕點店Crostini昨晚(13日)突然宣布全線結束營業,惹來不少顧客留言批評。創辦人黃光輝今午接受《香港01》電話專訪時表示,現正努力找投資者挽救,「暫時畀清盤官接手先,睇下有冇新投資者接手到。有啲傾緊,盡量盡量。」

黃光輝表示,疫情爆發以來生意大減三分之二,加上政府的暫緩追租安排已結束,即被業主追租,本月更有三間分店被收回,令現金流更見底。他稱已「借咗」8,000萬元給公司營運,資金來自他自己及向朋友借貸,但仍然解決不到財政問題,「(結業決定)好難,瞓唔到覺,對顧客唔住,真係,同埋啲同事,我真係無能為力,同朋友借好多錢返嚟。」

我哋都好唔想、好唔捨得去做(結業決定),一路都同啲朋友借錢,可唔可以挽救間公司,所以盡量 8月份全職(員工)嘅糧都出咗先,都盡量去救,但都係無辦法,連鎖反應令到我哋冇辦法做生意。依家都努力緊,希望搵到新投資者入嚟,可唔可以再開返。Crostini創辦人黃光輝


意大利式糕點店Crostini昨晚(13日)突然宣布會全線結束營業。(鄭子峰攝)


意大利式糕點店Crostini昨晚(13日)突然宣布會全線結束營業。(鄭子峰攝)

指疫情致流失三分二生意

Crostini昨晚突然在Facebook專頁宣布全線結業,涉十多間分店,惹來一眾顧客留言批評。有購買Crostini餅卡、禮券的顧客昨晚已隨即成立了「Crostini苦主」群組,直至今早群組已有300多人。


Crostini昨在社交平台宣布,全線結業15間分店。(圖片來源:Crostini)

《香港01》聯絡到Crostini創辦人黃光輝,他在電話訪問時表示,在疫情開始後經營出現困難,生意較疫情前大跌三分之二,主要因新冠病毒疫情,限聚令下少了人聚會,訂購蛋糕等銳減。

疫情下少咗三分二生意,例如蛋糕,(因為)慶祝少咗,(賣出)蛋糕少咗;同埋限聚,疫情有好多對我哋好大打擊。Crostini創辦人黃光輝

一業主9月收三舖令現金流更拙

黃光輝續指,因為政府推出暫緩追租安排結束,不少商場8月開始追回拖欠多個月的租金,令公司一時沒有那麼多現金流繳付租金。

他透露,一直都有與商場業主商討如何處理,「有啲商場同我哋傾,協商可以點處理,有啲都好正面。」惟近日一個業主安排執達吏收回三間Crostini分店店舖,包括荃灣千色匯及馬鞍山MOSTOWN等,引發連鎖反應,應令其他商場亦會追租,故認為已沒有辦法再經營下去,才在昨日決定全線結業。

其實我哋一路去搞間公司,一路去搵新投
資者入嚟。因為我哋現金流唔夠,喺政府(准許業主)冇追我哋租,有幾個月冇交租。
突然之間去到8月,商場追我哋租,我哋一時間冇咁多現金流,去到9月頭有啲商場收咗我哋兩三間舖,變咗連鎖反應,搞到我哋冇辦法再應付落去。Crostini創辦人黃光輝


2019年2月27日Crostini品牌時代廣場旗艦店開幕喇,當時藝人陳凱琳(左)亦有出席,與創辦人黃光輝握手。(資料圖片)

黃:有計劃結業就不會放機器

對於有苦主質疑為何明知會結業仍在9月初推出餅卡,黃光輝重申,從未想過結業,「所以啲嘢都擺晒喺度,工場仍喺度運作,只係突然之間真係搞唔掂。」他重申,現時仍努力找新的投資者注資公司,希望可以籌集到資金重新營運;至於顧客購入的餅卡及員工9月份的薪金,則交由清盤官處理。

他稱「本身借咗8,000幾萬畀間公司」,來自他自己資金及向朋友借貸。

顧客買咗啲餅卡,我哋唔係想走(數),我哋畀咗清盤官睇下點處理。(結業決定)好難,瞓唔到覺,對顧客唔住,真係,同埋啲同事,我真係無能為力,同朋友借好多錢返嚟。Crostini創辦人黃光輝

其實我哋一路擺錢入去,希望好轉,但做到依家真係好艱難,已經借到真係冇錢入去,所以先有呢個決定。我哋都好唔捨得,13號前我哋都盡力去救間公司,希望可以再經營落去。Crostini創辦人黃光輝


據網站時光機顯示,Crostini網頁在4月6日仍顯示有15間的分店。現時Crostini網頁已無法瀏覽其分店地址。(圖片來源:Crostini)

You May Also Like

Leave a Reply

Your email address will not be published. Required fields are marked *